Ka Dorbar Shnong Shnongpdeng kaba hap ha West Jaintia Hills ka wan pyntip paidbah sha ki lad pathai khubor ha kaba iadei bad ka jingkynduh jingeh ka shnong khamtam bad ki kam jngohkai pyrthei.
Haba kren sha ki lad pathai khubor na ka liang u General Secretary ka Shnong Shnongpdeng u bah Dapbor Syngkrem u la ong ka Shnongpdeng kam pyrshah iano iano, hynrei ka kyntu ia ka sorkar ban shimkhia ia ki mat kiba dei halor ka tnad kam jngohkai.
U la ong ka Shnongpdeng ka dei kawei na ki shnong kaba khring bha ia ki nongwanjngohkai pyrthei bad donkam ia ka sorkar ba kan shim khia ia ki mat ha kaba iadei bad ka kam jngohkai khnang ba kan long ka jingmyntoi ia ki shnong ki paidbah ki ba im na ka kam jngohkai.
