Ka Central Puja Committee (CPC) mynta ka sngi ka 20 tarik Nailur 2025 ka la pynlong ia ka jingkynduh lang bad ki kynhun niam bapher bapher kiba don ha ka jylla na ka bynta ka jingkynduh lang ha ka jingduwai kyrpang ia ka lehniam Puja.
U Lat ka jylla u CH Vijayiashankar ula long kum u Kongsan, ha ka jingiadon lang u Bah Sanbor Shullai Myntri ka sorkar jylla, ki nongpyniaid jong ka Central Puja Committee, ki nongialam niam bapher bapher kiba don ha ka nongbah Shillong.
Haba kren ha kane ka sngi u Lat ka jylla u la pynrem jur ïa ka jingma jong ka jingdih drok bad kyrpad ïa ki nongïalam niam jong ki kynhun niam bapher bapher, ki Balang bad ki shnong ki thaw ban shim khia bha ïa kane ka kam. U Lat u la pynpaw ia ka jingpang HIV/AIDS, ka jingpang sniehdoh (TB) bad ka jingpang cancer kum ki mat kiba kthang kiba ki paidbah ki iakynduh. U la khot ia ki nongialam niam, ki rangbah shnong, bad ki longïing ban iakynduh beit bad ki briew kiba shah ktah, ban ai jingkyrshan, bad ban iatreilang bad ki jaka ai jingsumar.
Khatduh u Lat u la pynpaw ia ka jingsngewkhia halor ka jinghiar ka akor ka burom hapdeng ki samla, da kaba kyntu ia ki longïing bad ki nongialam shnong ban ialam ia ki samla sha ka jingkitkhlieh bad ka jingim kaba tei. U la banjur ban iatreilang ban weng ïa ki jingkyrni u droks ka jingpang HIV/AIDS, TB bad ka jingpang cancer dei ban kheiñ kum ka jingkitkhlieh lang ha ka imlang sahlang, ym tang kum ka kam jong ka sorkar.
