Ka Mukhla Dorbar Pyllun ha kane ka sngi Saitjaiñ 20/09/2025 kala pynkup burom ïa u ma Wailadmiki Shylla MLA uba la bat mynta kum u myntri jong ka sorkar jylla ba dei peit ïa ka koit ka khiah, Sports and Youth Affair Department bad ka Home (Passport) ïa ka jingïalang la pynlong ha ïung Dorbar Hall ka Mukhla Dorbar Pyllun bala pynïaid da u ma Hamran Shylla President Mukhla Dorbar Pyllun.
La ïoh ïa ki kyntien pdiang sngewbha da u ma Hachwa Suna General Secretary Mukhla Dorbar Pyllun, la wan ban ïashim bynta da ki 5 Shnong kiba hap hapoh ka Mukhla Dorbar Pyllun kiba kynthup ïa ka Dorbar Shnong Mukhla Mission, Dorbar Shnong Mukhla Nongrim, Dorbar Shnong Mukhla Shohshrieh, Dorbar Shnong Mukhla Umlangshor bad ka Dorbar Shnong Ladmukhla.
Haka juh ka por la pynkup burom ïa u Minister da ka Seiñ Kyntu Dorbar Niamtre Mukhla Umlangshor bad na ka Seiñ ki longkmie.
Kiwei de kiba ai jingkren ki kynthup ïa u ma Martu Sari Treasurer NPP Party West Jaiñtia Hills District, ma Ebormi Lyngdoh President NPYP West Jaiñtia Hills District, ha kaba khadduh la ai jingkren da u ma Wailadmiki Shylla MLA uba la pynpaw ka jingsngewnguh ïa ka shnong hi baroh kawei, da kaba kular ruh ban trei shitom na ka bynta ka jingbha jingmiat jong kiba bun balang.
