U Chairman ka ïingdorbar ka KHADC u Bah Strong Pillar Kharjana u la pdiang ia ka shithi iehnoh kam u Bah Shemborlang Rynjah kum u CEM KHADC.
Haba kren sha ki lad pathai khubor u la ong ka jingiehnoh kam u CEM ka KHADC ka long ka jingduhnong kaba khraw . U long u Cem uba trei shitrhem bad shakri ia kaei kaba la bynshet ha u kum u CEM bad ka long ka jingduhnong kaba khraw.
Nalor kata u la pyntip ba ka shong ha ka party ban jied ia u CEM ba thymmai.
Khatduh u la ong hadien ba la ioh pdiang ia ka shithi iehnoh kam u CEM ka KHADC, na ka liang u Chairman u la bthah ia u Secretary ban phah jingthoh sha ka ophis u lat ka jylla ban leh ia kaba donkam.
