Ka Samla Riya Suting ka la wanrah nam ia ka Jylla da kaba ioh rah ia ka jingjop ha ka lympung Miss P&I India 2025.
Haba kren sha ki lad pathai khubor na ka liang ka Samla Riya Suting ka la ai khublei ia ki paidbah ka jylla kiba la kyrshan ia ka naduh ka sngi kaba sdang haduh ban da jop.
Shuh shuh ka la ong ia ka jingiakop Miss P&I la sdang naduh ka 17 tarik haduh 21 tarik Nailur, ha kaba kumba 20 ngut ki nongiashim bynta na kiwei kiwei ki jylla ki la iashim bynta ha kane ka jingiakop Miss P&I India 2025.
Ka Samla Riya Suting ka la kyntu ia kiwei de ki samla na ka thaiñ shatei lam mihngi bad khamtam eh na ka jylla Meghalaya ba ki dei ban long shlur ban iashim bynta ha kum kine ki rynsan wat lada ka long kaba eh bad jwat bad ka la ong ruh ba ka kwah ban iohi ia shibun ngut ki nongiashim bynta ha kum kine ki rynsan ha ki por ban sa wan.
Na ka liang ki bahaïing bahasem ki pynpaw ka jingkmen halor ka jingwanrah burom ka Samla Riya Suting ia ka ïing ka sem jong ki bad ia ka jylla baroh kawei halor ka jingjop ha ka rynsan iakhun Miss P& I India 2025.
