Ka seng FKJGP-KC hapoh ka jingialam u Secretary jong ka u Bah Justme Sana ryngkat ka MPUF-EJ hapoh ka jingialam u President jong ka u Bah Kyrshan Blah kila leit ban ia kynduh ia u Superintendent of Police (SP) ka East Jaintia Hills District, ha office treikam jong u ban pynkynmaw biang ha kaba iadei bad ka Dorkhas ba ka seng kala buh haka 21/05/2025 halor ka jingdon ka jingkhaïi beaiñ ia ki mrad bad ka shini (Cattle Smuggling and Sugar Smuggling) sha poh ka ri Bangladesh.
Naka liang kitei ki arseng ki sngew phylla ban tip ba wat hadien bala dep ujor sha u SP ruh kitei ki kam beaiñ shalan Masi Tuh khlem ki kot ki sla ba biang ki dang iaibteng bad iaid haduh mynta mynne, kaba sngew phylla shuh shuh ba kitei ki kam beaiñ ki iaid lyngba ki Check point jong ki pulit Ladrymbai hynrei ymdon ba tehlakam ia ki. Kane ka pynsuba ia ki Nongujor ba ka lah ban don kaei kaei sha lyndet da ka jingiasngewthuh jingmut lang.
Katei ka jingshalan tuh ia ki Masi Shapoh Bangladesh lyngba ka thaiñ Ladrymbai shaduh Bangladesh ym tang ba kitei ki nong supply ki pynrung tuh ia ki Masi Shapoh Bangladesh hynrei kidei ruh kum ki Nongialam bad pyni lynti ia ki Nong Bangladesh kumno ban ioh rung tuh shapoh u pud u sam ka Ri India bad ka jingbym shimkhia da ki bor ba dei peit ka lah ban buh jingma bha ia ka jylla jong khamtam ha East Jaintia bad la iohi ba ki jait Muslim ki kynrei bha ha ki Thain Ladrymbai, Khliehriat bad kiwei ki jaka hapoh East Jaintia Hills.
