Ki bor pyniaid jong ka Amlarem Civil Sub-Division kila pyllong ia ka jingrakhe ia ka jinglehkmen Republic Day ha Amlarem, ha madan ialehkai jong ka Amlarem Govt. L.P. School, Amlarem.
Ia ka prokram la pyniaid da u ma Rudolf Laloo, Officer jong ka tnat Supply, Amlarem. Kala don tang kawei ka kynhun ki Pulit kaba la shim ia ka March Pass.
Ha Amlarem la wan ban pynher ia ka lairong ka ri da u ma Wailadmiki Shylla, MLA ka 2-Jowai Constituency.
Ka la don ka Cultural prokram lyngba ka jingrwai na ka Riwar Jaintia Church of God, Ladjaplem Seceondary School. Ka jingshad na ka Mang Hai Ryum UP School, na ka Syiem Jingsuk High School bad ka jingrwai Rap na u Nicolas Shylla.
La don ka jingsam syrnod sha baroh kiba iashim bynta bad ka syrnod kyrpang sha u Nicolas Shylla uba la shna hi ia la ka jong ka jingrwai Rap shaphang ka shnong Amlarem.
