U Myntri Rangbah ka Jylla u Conrad K Sangma u la pyntip ba u Chief Secretary jong ka Sorkar jylla u Bah DP Wahlang un shongthait noh mynta ka sngi ka 30 tarik Nailur 2025.
Nalor kata u la pyntip ba u Bah DP Wahlang u la shakri la kumba 32 snem ha ka kam sorkar bad kumjuh ia ki paidbah bad mynta ka sngi ka dei ka sngi kaba khatduh ia u Chief Secretary u Bah DP Wahlang.
U Myntri Rangbah ka jylla u la ong na ka liang ka sorkar jylla ka ai khublei ia u Bah DP Wahlang uba la shakri kum u Cheif Secretary na ka bynta ka jylla Meghalaya.
Hadien ka jingshongthait noh u Bah DP Wahlang, ka sorkar jylla ka la thung da u Shakeel P Ahammed kum u Chief Secretary ba thymmai jong ka jylla.
