Ka Federation of Khasi Jaintia & Garo People (FKJGP) hapoh ka jingialam jong u Vice President u Samla Kitboklang Nongphlang mynta ka sngi ka 1 tarik Nailur 2025 ki la wan kynduh ia ki nonghikai ka FASTOM na ka bynta ban ai mynsiem ia ki nonghikai kiba pynlong ia ka jingiakhih kaba la iaid la 10 sngi kynthih.
Haba kren sha ki lad pathai khubor na ka liang u Vice President bah Kitboklang Nongphlang u la ong ka Seng kan iai don ryngkat bad ki nonghikai bad kum ka seng ka dap da ka jingsngewkhia bad kumba 10 sngi ki jingiakhih ki la iaid hynrei ka sorkar kam sngap bad ka seng ka ong lada ka sorkar ka don pisa ban thung ia ki Chairman, vice Chairman bad ban thung ia ki consultant ha ki tnad bapher bapher, balei kam leh lang ia ka tnad pule puthi ban peit ia ki jingpang jong ki nonghikai kiba haduh mynta 10 sngi ka la iaid ka sorkar kam lah ban ai rai.
Ka Seng ka dawa na ka sorkar ban pynurlong noh ia ki mat jingdawa jong ki nonghikai ka Federation of all School Teachers of Meghalaya.
