Ka 2 tarik jong u bnai Risaw la tip ïaka kum ka Gandhijayanti Day, shi bynta ban rakhe ïaka sngikha jong u Mahatma Gandhi uwei na ki riewkhraw ba kynsai jong ka Ri India.
Na ka liang ka Dorbar Shnong Loomkyrwiang kala rakhe ïa kane ka sngi da kaba pynlong ïa ka Awareness Cum Cleaning Drive Programme. Ha ka jingïalang ba lyngkot la pynïaid da ka Heiyoomitre Pakma, Secretyary Social Committee.
U Waheh Shnong ma Lammat-OO Laloo haba ai jingkren ula pynsgew halor ka Swachh Bharat Mission kawei na ka thong ba hakhmat jong u Mahatma Gandhi. Ula ong ka Dorbar Shnong ha kine ki snem kala pyrshang ban wanrah ïa ka khuid ka suba hapoh ka shnong ka tnaw. Da kaba u pynpaw ruh ka jingsngew sarong ba haune u snem ka tnad jong ka Jowai Municipal Board kala dep pynbna ba ka Loomkyrwiang kala long kawei na ki shnong kaba khuid hapoh ka sor Jowai da kaba ïoh ruh ïaka kyrdan kaba lai.
Ha ka juh ka por ula kyntu ïa ki nongshong shnong lyngba kane ka prokram kaba la pynlong mynta ka sngi kin shim ka jingkitkhlieh katba lah ban wanrah ïa ka khuid ka suba hapoh ka shnong ka tnaw, da kaba kiar katba lah na ka jingbret pathar ïa ki ñiut ki ner, khnang ba ka burom ka shnong yn dang lah ban pynjania shuh shuh ha ki sngi ban wan.
Kaba kyrpang shuh shuh ha kane kane ka sngi jong ka Swachh Bharat Mission la ïoh ban pule ïa ka Swachh Bharat Pledge bad la shim bynta lang haka jingpynkhuid ïa ki lynti ki syngkieng, ïa ki tyllong umbam umdih bad ka jingairong shun ïa ki kynroh.
Kiwei de ki shnong kiba la rakhe ïa ka Gandhijayanti Day da kaba pynlong ka jingpynkhuid ki kynthup ïaka Meghalaya Bharat Scouts & Guides, West Jaiñtia Hills, ka Rud Myntdu Pynthorneiñ nalor kiwei de.
