Ka Khasi Student Union (KSU) Sengkmie mynta ka sngi ka 3 tarik Risaw 2025 ka pyrshah jur halor ka jingleh thurmur ka tnad ka koit ka khiah halor ka bhah pule MBBS, BDS bad BAMS.
Haba kren sha ki lad pathai khubor na ka liang u General Secretary ka KSU Sengkmie u Samla Donald Thabah u la pyntip ba ka sorkar jylla ka lah phiel ka la bakla wat ia ka reservation Policy kum ka nuksa haba iadei bad ka bhah pule MBBS ha ka open category ki don kumba 14 ngut ban ioh leit pule lyngba ka bhah jong ka sorkar, hynrei haba peit kawei ka khynnah kaba kyrteng ka Diya Ghosh ka ioh 472 bad kawei pat ka Tanusha Chakravarty kaba ioh 442 ha ka NEET Score.
Katkum ka jingpyniaid jong ka jylla lada ki Khasi ki ioh ia ki marks kiba heh ki ioh ha ka open category bad ki long unreserved bad kim dei ban mang na ka bynta ki bar jylla bad ki dkhar, hynrei mano mano kiba dei na ka jylla ki dei ban ioh ha ka open category.
u Samla Donald Thabah u la bynrap lada ki Khasi kiba don ha ka waiting list ha ka open category ki lah ne em ban don ha ka list jong ka Khasi Jaintia Category bad ki lah ban don namar naduh ka jingpyniaid kiba mynshwa kiba ioh ha ka waiting list Open Category ki lah ban rung ha ka list jong ka Khasi Jaintia Category bad kane ka dei ka jingbakla jong ka MBBS bad ka sorkar ka la leh lehse ioh ka leh khnang tang ban pynhun iano iano ruh bad ka Seng kan nym ailad iano iano ruh kane ka pynduh lad ia kiwei kiba don hok ban ioh leit pule MBBS ha ka open category ne ha ka Khasi Jaintia Category.
Na ka liang ka Seng ka kyntu ia ka sorkar lyngba ka tnad ka koit ka khiah ba kan pynbeit mardor haba iadei bad ka list na ka bynta ka bhah pule MBBS.
Haba iadei bad ka bhah pule BAMS na ka liang ka Seng ka la lap ba ha ka waiting list jong ka open Category ki la lap ba don da ki bar jylla bad ha ka jaka jong ki dei ban don da ki Khasi kiba wan shakhamat ha ka Khasi Jaintia Category, kine ki bar jylla kiba don ha ka waiting list jong ka open category dang tam marks da kiba don ha ka Khasi Jaintia Category bad kiba don ha ka waiting list jong ka open category ki dei ban don ha ka list jong Khasi Jaintia Category.
Shuh shuh u la bynrap ha ka jingpule BAMS BHMS, ki don ka jingbakla ha ka reservation policy, namar ha ka reservation policy kam don ia ka SC bad ha kane ka jingpynmih ia ka list ha kane ka bhah pule BAMS, BHMS ki don ki don kiba mih SC bad ka Seng ka kyntu ia ki bor sorkar ba dei ban pynbeit mardor ia kine ki jingbakla bad ka sorkar kam pyrkhat na ka bynta ki trai ri trai muluk, ka pyrkhat na ka bynta kiwei ki jaitbynriew bad kane ka long kaba bakla shibun bad kum ka jaitbynriew kan nym pdiang ia ka 15 percent ba kin rung tang kiwei ki jaitbynriew katba ki trai muluk kin duh.
