Ka Jaintia Student Union (JSU) mynta ka sngi ka 3 tarik Risaw 2025 ka la wan kynduh ia ki bor ba dei peit jong ka tnad ka koit ka khiah halor ka jingmih kyrteng ki 2 ngut kiba duna marks ban ia ki samla pule Khasi Jaintia ha ka bhah pule MBBS.
Haba kren sha ki lad pathai khubor na ka liang u Adviser ka Jaintia Student Union u Aibansuk Suchiang u la pyntip hadien ka jingialang bad ki bor ba dei khmih jong ka tnad ka koit halor ka phah pule Doctor u la pyntip ba ka tnad ka koit ka khiah ka bud ia ka SOP bad hadien ka jingiathir iatai sani bha na ka liang ki bor ba dei khmih jong ka tnad ka koit ka khiah ki la pyntip ba kin sa pynrung biang ia ki samla pule trai ri ha ka bhah pule Doctor katkum ka jingioh ia ki marks bad ka tnad pule puthi kan sa ai jingshai sha ka Seng haba iadei bad kane ka bhah pule Doctor MBBS.
