Meghalaya State Unit ha ka 8 tarik Risaw 2025 ka la phah da ka jingthoh sha u Myntri Rangbah ka jylla u Conrad K. Sangma ban kyrpad ïa ka sorkar kan peit biang ïa ki kyndon haba iadei bad ki kam MCS bad MPS jong ka Meghalaya Public Service Commission.
Haba kren bad ki nongthoh khubor u nongaiktien jong ka party u Bah M. Kharkrang u la ong ka BJP ka la kyntu ïa u Myntri Rangbah ka jylla u Conrad K Sangma ban ailad ia ki ki samla pule kiba dang pule ha ka snem kaba khatduh jong ka degree ba kin shah ban ïadon bynta ha kine ki eksam namar sa tang da ki bnai ki la jan dep.
Nalor kata u Nongaiktien ka BJP u la pynshai ruh ba ha ka UPSC, ki samla pule kiba dang pule ha ka snem khatduh ki lah ban aplai, hynrei ki hap ban pynskhem ïa ka degree shuwa ka eksamin hynrei ha ka MPSC pat, ki pynjari kyndon ba tang kiba la pyndep ïa ka degree ki lah ban iakhun ia ka eksamin ia ka MCS bad MPS.
ka BJP, ka la ong ba kalong ka jingeh ïa ki samla Meghalaya kiba kwah ban ïakhun ha kine ki eksam.
U Bah Kharkrang u la bynrap ba dei namarba ka eksam MCS bad MPS ka long tang shisien man la san snem, kumta bunsien ki samla kiba dang kut ïa ka degree kim lah ban rung hapoh ka por.
“Lada shah ïa ki final-year students ban aplai, kan ai lad ïa ki ban ïoh jingnang jingtip ha ka rukom ïakhun eksam,” la ong u Bah M Kharkrang
Ka BJP ka khmih lynti ba ka sorkar jylla kan sngap ïa kane ka jingtyrwa bad kan pynkylla thymmai ïa kane ka rukom treikam ha ka MPSC.
Khatduh u la ai khublei ruh ïa ka sorkar jylla halor ka rai ban weng ïa ka interview ha ka jingthep kam Grade IV, da kaba ong ba kane ka long ka lynti kaba shai bad kaba ai jingshaniah ha ka jingpynrung kam ha ka jylla.
