Ki Nongialam jong ka Hills Farmers Union (HFU) hapoh ka jingialam u President u Bah Commander Shangpliang mynta ka sngi ka 9 tarik Risaw 2025 ki la la leit ia kynduh ia u Myntri ka Rep ka Riang u Timothy D Shira na ka bynta ka jing hiar dor ki mar rep, wat la ka ka jing ot kilo ia ki mar rep ka dang don beit, kumta ka kyrpad ia ka sorkar ban pynsted haba iadei bad ka
Nalor kata ka seng ka la kren ruh haba iadei bad ka jing shim ram jong ki nongrep na ki bank kaba ju khot ka KCC loan, kumta ha u snem 2025 ki nongrep ki la shim ia ka ram halor ban pynheh ia ka rep ka riang, hynrei namar ka jinghiar dor bad ka jing bym biang ha ka rep ka riang, ka la don ka jingduh nong ia ki nongrep haduh ba ka don ka jingeh ban siew ia ka KCC loan ka ba ki la dep ban shim, kumba 800 duna ki list na ka bynta ki nongrep. Ka seng ka ong ia ka sorkar ba kan map noh ia ka ram KCC loan, khnang ba kan long ka jingiarap na ka bynta ki nongrep.
Na ka liang u Myntri ka rep ka riang u Timothy D Shira u la kular hakhmat ki Nongialam jong ka Hills Farmer Union ba kin shimkhia haba iadei bad kane ka bynta.
Ka Seng ka la ioh ruh ban pynsngew halor ka jingkhrong khajna bad kyntu ia ka sorkar ba kam dei ban don ka jinglum khajna na ki nongrep ha kaba ki kit ia ki mar ki jong ki la ka long na ki khyrdop Syiem, khyrdop District Council, khyrdop Sorkar ba kim dei ban shim da ka khajna na ki nongrep.
Ka Seng ka kyntu ruh ia ka sorkar khamtam sha u Myntri ka rep ka riang ba ka sorkar ka dei ban ai jingkyrshan haba iadei bad u symbai khnang ba kan long ka jingmyntoi na ka bynta ki nongrep.
