U ma Ebormi Lyngdoh, uba dei u President ka NPYF, bad Waheh Shnong barim ka Mukhla ula wan ban plie ia ka Mini Fete ba shisngi ka shnong Mookyrdup, Jowai kaba la pynlong mynta ka sngi (10/10/25) ha Community Hall ka shnong.
U ma Ebormi ula wan kum u kongsan ha ka jaka jong u ma Wailad Shylla Local MLA bad Myntri ka sorkar jylla namar ba u don hapdeng ka jingbymkoit bha met ka phad.
Na ka liang u ma Ebormi ula kit bok kitrwiang ia kane ka Fete ba kan long kaba iaid beit iaid ryntih bad kaba jop bad ioh jing myntoi. Ula noh synniang ruh sha kane ka Fete Rs.12,000/- tyngka.
Ka Symbud Kongsan ha kane ka sngi ka dei ka kong S.D. Shylla kaba dei ka Tourism Officer, West Jauñtia Hills. Ka kong Sylla kala kren lyngkot shaphang ka jingdonkam jong ka Waste Management. Ka la kren ruh shaphang ki skhim sorkar bapher bapher kiba iadei bad ka tnad Tourism. Ka la noh synniang ruh sha kane ka Fete.
Kiwei de ki Rangbah ba iadon lang ki kynthup ia u ma Richard B Uriah, Principal ka North Liberty Higher SS, Jowai, ki dkhot ka EB ka shnong.
Ia ka jingialang la pynïaid da u ma P.Shylla Waheh Shnong. La ioh jingkren na u ma A Ksoo, Advicer, bad ma A.Khonglah Secretary Shnong cum Fete Secretary.
