Ka Hills Farmers Union (HFU) hapoh ka jingialam jong u Bah Allfondbirth Kharsyntiew mynta ka sngi ka 10 tarik Risaw 2025 ki la wan kynduh ia u SP ka East Khasi Hills u Bah Vivek Syiem halor ka jingshah kren bein i Kong Kmoin Wahlang iba dei iwei na ki longkmie iba la paw ha ka jingmareh marathon.
Haba kren sha ki nongthoh khubor na ka liang u General Secretary ka HFU u Bah AllfondBirth Kharsyntiew u la ong ka jingwan kynduh ia u SP ka East Khasi Hills ka dei halor ka jingkren beiñ kawei ka briew ha ki social Media ia i kong Kmoin Wahlang. I kong Kmoin Wahlang i dei iwei na ki dkhot jong ka Hills Farmers Union na South West Khasi Hills.
Nalor kata u la ong na ka liang ka Hills Farmers Union ka pynrem jur ia kane ka jingjia khlem da tip ia ka jingshisha ia i kong Kmoin Wahlang.
Kum ki nongrep ki ieng tylli bad i kong Kmoin bad ban pynrem ia kane ka briew bad na ka liang ka HFU ka dawa na ka tnad Pulit ba kin wad Ia kane ka briew kaba kren bein ia i Kong Kmoin Wahlang bad ka dei ban pynmap mardor.
Shuh shuh u la ong kum kine ki jingjia kiba na ka por sha ka por ngim tip ki dei kiba naei kine ki jingthoh kiba pynthohbria ia ka jylla la dei ban ieng tylli kum ka jaitbynriew bad ngim dei ban ailad ia kum kine ki briew ba kin niew bein khamtam ia ki longkmie namar i Kong Kmoin iba la ioh ia ka rta kaba 76 snem hynrei i dang mareh sports haduh mynta bad ka long ka jingai mynsiem ia ki nongialehkai Sports bad wat ia ki khun jong nongrep.
Kumta na ka liang u SP ka East Khasi Hills u la kular ban shimkhia bad ka tnad pulit kan sa shimkhia bad kan sa wad ia kane ka briew bad kin sa phah da ka jingthoh ia kane ka briew kaba kynthoh ia i Kong Kmoin bad lada kam panmap kan sa ngat ha ki aiñ katkum ki kyndon Social Media Act.
Kum kine ki jingjia na ka liang ka sorkar bad kumjuh ruh ia ki Seng Longkmie, ki Kynhun lehkai ba kin wan shakhmat ban ia snohkti lang ban pynrem ia kane ka jingshah kynthoh i kong Kmoin Wahlang.
