Ki paidbah na kylleng ki shnong ki la wan tuid ban sngewlem ha ka sngi leit on tep ia ka met u heprit Kyrshanbor Kharmudai.
Ha shwa ban pyndep ia ka met ba sah jong u Heprit Kyrshanbor, la ioh jingkren na ki katto katne bad ki pynpaw ia ka jingsngewkhia kaba jur halor ka jingjia ha kine ki sngi ha kaba ki hepbrit ki shah pyniap dusmon bad ki kyntu ia ki bor pulit ban wad ia kine ki riewthrang snam bad dei ban pynshitom ia kum kine ki jait briew.
Kum ban shu pynkynmaw u heprit Kyrshanbor Kharmudai u la jah na la ïing na Nongrah Lum Myrboh ha ka 8 tarik Risaw, 2025 ha ka por 4 baje janmiet, hadien kane ki paidbah ki la mih shnong ban wad ia une u hepbrit hynrei khlem lapdien. Dei ha ka 9 tarik Risaw 2025 la lap noh ia ka metiap u hepbrit Kyrshanbor Kharmudai na Khlaw Mawpat.
Kumta na ka liang ka shnong ka kyntu ia ki bor pulit ban pynsted ia ka jingtohkit ban lap ia ki briew kiba pyniap ia u hepbrit Kyrshanbor Kharmudai bad ban pynshitom jur ia ki katkum ki kyndon jong ka aiñ.
