Haduh 40 ngut ki samla kila pyndep ïa ka jingshah hikai ha ka kam shet jingshet hapoh ka jingpeit jong ka Betterlife SHG Society kaba don ha Iawmusiang Jowai.
Ïa ka jingïalang ha kane ka sngi leh burom ïa kitei ki samla la pynïaid da u da u Secretary ka Betterlife SHG u ma Raj Passah, haka juh ka por ula pdiang sngewbha ïa baroh kiba la wan sha kane ka prokram.
Naka liang u ma Eddystone Shylla uba dei ruh u Waheh Shnong barim ka Dorbar Shnong Tympang Iawmusiang, Jowai ula long kum u kongsan. Ha ka jingkren ula ai mynsien ïa baroh kitei ki samla kiba la pyndep ïa ka jingshah hikai hapoh ka por bala buh.
Ula kyntu ban kin long kiba minot bha ha ka jingim da kaba kynshew bha ïa ka pisa na ka bynta ban ïoh seng ïala ka kam lajong kaba kham heh, shuh shuh ula pynsngew ka pyrthei mynta ka long kaba kyrduh kam bad kaba shitom ban ïoh ïa ka kam sorkar, kum ki samla ki dei ban don ka mynsiem ïaleh bad kiba ïaishah haka kam haduh ban da poi sha ka thong jong ka jingjop.
Ha kane ka sngi la sam ïa ki syrnot (certificate) bad ki Business Licence sha kitei ki samla kiba la pyndep ïa ka jingshah hikai. La pynkut ïa ka jingïalang da ki kyntien ai khublei na u Asst. Secretary ma Iatha Lywait.
