U Superintendent of Police (SP) ka East Khasi Hills u Bah Vivek Syiem haba kren sha ki lad pathai khubor halor ka jingshah pyniap i heprit Insaphira Lyngdoh Mawnai u la ong ba ka kynhun SIT ha ka jingtohkit ka la lap ba dei u khynnah 13 snem uba pynngam jyllop ia i heprit Insaphira Lyngdoh Mawnai.
Nalor kata u la ong ha ka taiew ba la dep ha ka jingkren sha ki lad pathai khubor u la pyntip ba Insaphira Lyngdoh Mawnai i lah ngam jyllop hynrei, ha ka jingtohkit ka kynhun tohkit SIT ka la pyntip ba dei u Khynnah 13 snem uba pynngam jyllop jubor ia i Insaphira Lyngdoh Mawnai.
U la bynrap ba ka kynhun tohkit SIT kan dang tohkit ka jingpynngam jyllop ia Insaphira Lyngdoh Mawnai ka dei na ka daw jong ka jingiaknieh biscuits kumba la ong u khynnah 13 snem ne ioh ka don kano kano ka jingthmu ban leh be-ijot bad ka jingjia ia i heprit Insaphira Lyngdoh Mawnai ka dei ba i shah pynngamjyllop katkum ka jinglap jong ka Kynhun tohkit ka SIT.
