U Myntri Rangbah ka Jylla u Conrad K. Sangma hynne ka sngi ka 15 Risaw 2025 u la pynkut noh ia ka khubor hamsaia ba don ka jingtih Uranium be-aiñ ha ka Jylla da kaba pyntikna ruh ba lada don kum kine ki kam, ka Sorkar Jylla hi ka la dep ban pyrshah nyngkong hashwa ban mih ki seng bapher bapher.
Ha kaba iadei bad kane u MR u la ong “Ym don ka jingpyntikna lane ka jingioh jingtip ia kaba la dep ban pyntreikam. Lada don mano mano kiba ioh ia ki sakhi jingpynshisha halor katei ka mat, dei ban phah sha ka Sorkar na ka bynta ban leh ei ei mardor halor katei ka khubor. Ngi ieng skhem ba ka jingtih Uranium kan ym ioh jaka da lei lei”.
