Ha ka 16 tarik u bnai Risaw 2025 ka M/S Green Valley Industries Limited ka la pynlong ïa ka Environmental Public Hearing na ka bynta ka jaka ban tih ïa u mawshun ka “Surve Larung Limestone Deposit” kaba don ïa ka jaka kumba 44.58 hectares ha Lumshnong East Jaiñtia Hills District.
Ïa kane ka public hearing la pynïaid da u Y.F Laloo, Environmental Engineer ka Meghalaya State Pollution Control Board; J.U. Kharpuri, Additional Deputy Commissioner, East Jaiñtia Hills District, Khliehriat; bad Dr. George H. Chyrmang, Member Secretary jong ka Meghalaya State Pollution Control Board.
Ki nongkren kiba pyrshah bad kiba pdiang ïa kane ka Hearing ki long 12 ngut, napdeng kine ki 12 ngut 2 ngut ki bym pdiang ïa kane ka Public Hearing katta u Bah Kwilnis Suchiang na ka KSU bad uwei na ka Shnong Lumshnong.
Kane ka jingpynlong ïa ka Public Hearing ka lah ïaid beit ïaid ryntih bad ym don kano kano ka jingpynthut ha ka jingpynïaid ïa ka.
