Ka Mihmyntdu Community Social Welfare Association Sampoorna Surakshaa Kendra, East Jaintia Hills, ha ka jingiatreilang bad ki bor pyniaid District jong East Jaintia bad kumjuh bad ka ophis District Medical & Health Officer, East Jaintia Hills District kila pynlong ia ka jingai jinghikai bad jingsumar halor ka koit ka khiah (Mega Health Camp) ha ka 17.10.2025 ha shnong Rangad, East Jaintia Hills District.
Ha kane ka prokram la wan ban iadon ryngkat da u Addl. Deputy Commissioner ka District u S.R. Marak, ha ka jingiadonlang u DM&HO Dr. D. Shylla, Medical & Health Officer, in-charge Opioid Substitution Therapy (OST) Centre, Khliehriat, Dr. J. Nongtdu, kiwei de ki heh na ka tnad ka koit ka khiah, ki Waheh Shnong bad ki riew paidbah.
Ha kane ka Camp kila don haduh 500 ngut kiba la poi ban sngap ia ki jingai jinghikai bad ban ioh jingmyntoi ha ka liang ka koit ka khiah, kaba kynthup ia ki jingbatai pynshai halor ka phang HIV/AIDS, Hepatitis B & C bad ki jingpyndonkam ia ki jingdih pynbuaid, jingpang TB, Diabetes, Hypertension bad kiwei kiwei.
Ki tnad ka koit ka khiah kiba la don bynta ha kane ka Camp ki kynthup ia ka Rymbai PHC, Pamra PHC bad ka Urban Health and Wellness Centre, Lad Rymbai. Kala don ruh ka jingleh test halor ka jingpang HIV/STI, Hepatitis B/C bad na ka liang ki AYUS, ka jingpynrung kyrteng Addhaar bad ka MHIS.
