Ka seng ki nongri bad ki nong khaïi syiar napoh East bad West Jaintia hapoh ka lama All Jaintia Poultry Farmers Traders association (AJPFTA) ka mih shakhmat ban pynrem jur ia ki riew sniew ne ki riew leh dusmon ne ki riew shim kabu ki bym don shuh ka mynsiem jingiatiplem halor ki jingjia shah noh ki kali kit syiar lyngba ka jingiohi bad ka jingsakhi jong ngi lyngba ki lad pathai khubor.
“Na ka liang jong ngi ka seng ngi dap da ka jinglyngngoh namar ia kum kine ki jing jia ym pat ju jia mynno mynno hapoh rilum Jaintia bad kane ka long ka sien ba nyngkong” la ong ki nongialam ka seng.
Ka seng ka pynrem jur halor kane ka jingjia bad ka pynrem jur ruh ia ki riew shim kabu kiba leh ia kane ka kam bad ruh ka seng ka kloi ban iatreilang bad ki bor jong ka aiñ ban teh lakam ia kum kine ki jingjia kiba ktah ia ki nongri bad nong khaïi syiar bad ruh khnang ba kum kine ki jingjia kin ym wan jia shuh nangne shakhmat, pynkut ka kyrwoh na u Vice President ka seng u ma L. lyngdoh.