U bah Shem Marbaniang badei Counsellor jong ka Khasi Jaintia Presbyterian Synod Sepngi, Urban Mission haba kren sha ki lad pathai khubor ha ka sngi ba pynlong ia ka Foodfess cum Sale of Work mynta ka sngi ka long ban trei ia shibun ki projek jong ka Synod, hynrei kaba kham kongsan eh ka long ban shna ia ka New Life De-Addiction Building kaba don ha Mawlai Mawroh na ka bynta ban ai jingsumar ia ki briew ba la kyrni ha ki jingdih ba sniew.
Haba kren ha ka sngi ba ar ka 21 tarik u Risaw 2025 u la ong ba ki jingdawa ki ba bun ban tei ia kane ka ïing thymmai jong ka Synod namar hap shna kham bun ki kamra, ka jingpynbiang ia ki light, ka umbam umdih bad ki kynroh jong kane ka ïing hynrei ki kyrmen ba da ka jingialam u Blei kin lah ban leh ia kaei kaba ki la thmu.
U la pynpaw ruh ka jingsngewkhia ba ha kane ka jylla ki bun palat ki nongdih drok haba ki khynnah samla kiba dang kham rit ka rta ruh ki bun bha kiba la ngop.
