Ki nonghikai skul ka Meghalaya SSA School Association ha ryngkat ka Meghalaya 4th Teachers Association ha ka 23 tarik u Lber, 2025 ki la pynlong ia ka jingialang bad ki la shim ia ka rai ba kin pdiang ïa ka jingtyrwa jong ka Sorkar Jylla ba ka tnat Pule Puthi ban shimti bad pynïaid ïa ki skul SSA bad ban pynbeit ryntih ïa ka rukom siew tulop jong ki nonghikai SSA hapoh ka jylla.
Haba kren sha ki lad pathai khubor hadien ka jingialang kaba la long ha madan Malki, Shillong, u President ka Meghalaya SSA School Association, u Bah Aristotle C. Rymbai, u la ong ba katkum ka jingpyntikna jong u Myntri Rangbah ka jylla u Conrad K. Sangma, ka sorkar ka thmu ban pyntreikam noh ia kane ka policy hapoh ka 25tarik December, 2025 bad ban pyntreikam pura naduh 1 tarik April 2026.
