Ki Nongïalam jong ka National People’s Youth Front (NPYF) 1-Nartiang Constituency hynnin ka sngi 23 tarik kila leit ban synran lem ïa ki nongrep jong ka shnong Lapangap, na ka bynta ban ïa ot lem ïa u kba uba la ih ha ki pynthor, hadien ba la dei ka por ban ot bad ka jingwan phai biang ka jingshong suk ha katei ka jaka.
Na ka liang ka NPYF kala ai khublei kyrpang ïa u Myntri Rangbah ka jylla u Conrad K. Sangma kumjuh ïa u Symbud Myntri Rangbah ma Sniawbhalang Dhar bad ïa ki ophisar sorkar kiba la wad ïaki lad ki lynti ban wanrah biang ïaka shong suk shong shngaiñ hadpdeng ki ar jait bynriew (Pnar-Karbi).
Kum ka seng kala hiar khnang sha Lapangap ban ïarap ot kba ïa ki nongrep kiba la ïoh lad ban ot noh ïa u kba naduh ka 22 tarik u Risaw bad kaba dang ïaibteng haduh mynta.
Haka juh ka por ka NPYF kala kyntu ïa kiwei de ki khun samla jong ka Constituency ba kin mih shakhmat ban leit ïarap ïa ki nongrep jong ka thaiñ Lapangap, da kaba ong ‘ym lah ban leh ei ei, kiba bun na u soh kba ula tlor lut, hynrei kyrmen skhem ba u kba un poi beit shaduh ki ïing ki sem jong ki nongrep’.
