Ka West Jaintia District Sports Association (WJDSA) Jowai, kum shi bynta ban pyndon burom ia ka jingdap 50 snem jong ka jingioh jylla ba pura jong ka Jylla Meghalaya, kan pynlong ia ki Football League Tounament jong ka, ki ban sdang naduh u bnai Lber (March) mynta ka snem.
Katkum ka khubor na u Hony. General Secretary ka Association u ma L. Laloo ula iathuh ba ka Tournament kan sdang shwa da ka 3rd Division bad kiwei pat ki Division yn sa pynbud hadien. Ula iathuh ruh ba ka Association kan shah ban iashim bynta tang kito ki nongialehkai kiba la dep ban ai tika iada Covid, da kaba bud ryntih ruh ia ki kyndon (SOP) jong ka sorkar.
Kumta u la kyntu ia baroh ki Club kiba don hapoh ka Association ba kin shimkhia ban pyndep ia ki bynta ba donkam ha kaba iadei bad ka jingiashim bynta ha kane ka Tournament.