Ka kynhun jong ka State Disaster Response Force (SDRF) hynnin ka sngi kala ioh ban khwai ia ka met jong u rangbah ba 50 snem ka rta na ka wah Umkhein ha ka shnong Jaroit, East Khasi Hills District hadien ka jingngam jyllop jong u.
Ka kynhun SDRF kaba iatreilang bad ka District Disaster Management Authority (DDMA), East Khasi Hills hadien ba kila ioh jingtip ba u wei na ki nongshong shnong jong ka Pdengshnong, Nonghali ula jah ha ka por ba u leit ban khwai dohkha ha katei ka wah Umkhein kaba ha ka shnong Jaroit. Mar mar ka kynhun SDRF hapoh ka jinglamkhmat u Sub Inspector DK Kharbih kila mih na Head Quarter ha ka por 6 baje mynstep bad kila poi ha ka jaka ba jia ha ka por 8:00 mynstep. Hadien shiteng kynta ka jingpyrshang ki ar ngut ki shipai u T.Khongstia bad u I. Lapasam kila ioh ban khwai ia katei ka met jong u tei u rangbah uba la tip kyrteng kham hadien kum u Kellshon Shadap.
Ia ka met jong u Kellshon Shadap la aiti sha ki Pulit jong ka Diengpasoh PS bad dei hadien ka jingtohkit da ki Pulit la tip ia ka kyrteng jong une u rangbah bad u dei u lok jong ka kong Sibonda War na ka shnong Pdengshnong, Nonghali.
