Ka Hynniewtrep Youths’ Council (HYC), West Khasi Hills District hapoh ka jingialam Samla Lumlang Kharsyiemlieh President bad Samla Wanteibok Lyngdoh GS, Mynta ka Sngi Nyngkong 27.10.2025,
kila pynpaw ia ka jingsngewnguh ia u Garod LSN Dykes, Deputy Commissioner, uba la ialeh ban pyniaid shait shait ia ki Exam DSC ha kane ka Snem 2025 kumba ka seng kaba ju iakynduh khah khah halor ka DSC ha West Khasi Hills District.
Mynta ka Sngi pat ka seng ka la wan kynduh ia u DC namar la iohi ki Exam kiba pher kiba pher kiba la dep naduh Grade IV bad LDA ba la Advertised naduh 2020 kaba la pyndep exam ha kine ki bnai bala dep bad la kyrpad ruh ba un pynmih noh shuwa ïa ka result jong kitei ki post ba rim shuwa ban ban khot Written Exam ia ki Post kiba thymmai kiba dang dep khot ha ki bnai bala dep bad sa phah exam Biang.
Namar ka seng ka iohi ba ka exam Biang ia ki Grade IV bad LDA ka Exam kan long ha ka 22 bad 29 Naiwieng (November) 2025 kumta ka dawa ban pynmih shuwa ka result shuwa ban phah thoh kitei ki Exam.
Na ka liang u DC hadien ba la iatai sani bha u lah kular ban sa pynmih shuwa ka result shuwa ban phah thoh exam biang ha u bnai November.
Ka Seng ka wan ban kylli ruh ki post kiba la dep advertise naduh 14 December 2020 kum ki Post Dufiry, Demonstrator ha Soil, Typist pat phah exam ha kane ba la dep wat ia kiwei ba mih lang la dep phah exam, u DC u la ong ba yn sa leh shisien leh ha kine ki Sngi ban wan.
