Ka ophis Block Medical Officer, Amlarem Block, hapoh ka Department of Health and Family Welfare, Government of Meghalaya, ha ka jingïatreilang bad ka Education Department, West Jaintia Hills District, kila pynlong ïa ka prokram ba saw sngi halor ka phang “School Health and Wellness Ambassador Programme” naduh ka 28 tarik bad yn pynkut ha ka 31 tarik u Risaw 2025, ha Amlarem Secondary School Conference Hall.
Kane ka jingai jinghkai la pynlong hapoh ka National Health Mission (NHM) bad ka School Health and Wellness Programme (SHWP) jong ka Ministry of Health and Family Welfare, Government of India. Ka jingthmu ka long ban pynkhlaiñ ïa ka jingpyntreikam ïa ka Rashtriya Bal Swasthya Karyakram (RBSK), kaba khmih halor ka bha ka miat jong ki khynnah skul.
Haduh 78 ngut ki nonghikai Upper Primary School na ki skul bapher bapher jong ka thaiñ Amlarem Sub-Division, ryngkat ki 6 ngut ki nongtrei, ki Doctor bad ki nongai jingiarap kila ïashim bynta ha kane ka prokram. Ka jingthmu jong ka prokram ka long ban ai jingtip ïa ki nonghikai ban tip kumno ban tip ïa ka jingeh ba ki khynnah skul naduh ka klas VI haduh VIII ki ïakynduh ha ka jingim ba man ka sngi jong ki kumjuh ïa ka koit ka khiah jong ki.
Kiba la wan ban ai jinghikai ha kane ka sngi ki kynthup ïa i Dr. R. Laloo, Dr. M Gashnga, kong P. War bad kong D. Laloo. La ïoh ruh ka jingkren na i Dr. A. Khanglah, Block Medical Officer.
