Mynta ka sngi na ka liang ka Jaintia Revolutionary Council (JRC) Central Body hapoh ka jingialam u President Leaferdinand Suiam ha ka jingiadon ryngkat u Vice President Artist Sari, GS Heipor saioo bad u Working President Thmu Hadem, ki leit ban ia kynduh ia u Deputy Commissioner ka West Jaintia Hill halor ka nongrim ba ka ophis kala pynslem ban ai ia u LGD Code (Local Government Directory) ïa ka shnong Mouluber.
Hynrei namar ba u DC um don mynta ka nsgi, kumta na ka liang ka seng ka la ioh ban ïa kynduh ïa ka Smti. V. KEZO (IAS) SDO (Sadar), West Jaintia Hills. Ha kane ka jingkynduh na ka liang ka seng ka la pynsngew ïa ka ophis halor kaei ka nongrim ba pynslem ban ai ïa u LGD Code jong ka shnong Mouluber bad tang namar ka jingpynslem ban ai ïa u LGD Code ïa kane ka shnong baroh ki jingmyntoi ba ka shnong ka dei ban ïoh kam ïoh shuh.
Kat kum ka jingthoh ba ka seng ka la ïoh na u Mission Director ka Rural Employment Society bad Mission Director Community and Rural Development Meghalaya ba la phah sha u DC West Jaintia halor ka nongrim ban ai ïa u LGD Code jong ka shnong bala phah naduh u snem 2024 khnang ban lah ban pyntrei kam ïa ki Scheme sorkar khamtam ka Job Card, hynrei haduh mynta na ka liang ka ophis u DC kam pat ai ïa u LGD Code sha ka shnong.
Naka liang ka SDO (Sadar) ka la ong ba kan ia kren bad u DC bad ka ophisar ba dei peit ïa ka tnad C&RD ba balei ba pynslem ban ai ïa u LGD Code sha kane ka shnong bad kan sa ai jingtip sha ka seng. Na kaliang ka Seng ka kyntu ia ka ophis ba kan pynkloi noh ban ai ïa u LGD Code sha ka shnong khnang ba ki nongshong shnong kin ioh ia ki jingmyntoi kumba dei ban ioh.
