U CEM ka Jaintia Hills Autonomous District Council (JHADC), u Ma Thombor Shiwat haba iakren bad ki lad pathai khubor mynta ka sngi ka 30 tarik Risaw 2025 haba iadei bad ka Shnong Lapangap u la pyntip ha shwa ban jia ban khanglad ki Karbi, na ka liang ka Jaintia Hills Autonomous District Council bad ka Sorkar jylla ki la leit ban peit bad jngoh ia ka Shnong Lapangap.
Nalor kata u la ong ban kynnoh ba ka Jaintia Hills Autonomous District Council ka khlem leh eiei ka long kaei kaei kaba bakla, u la pynpaw ba ka shnong Lapangap ka dei kaba la ithuh da ka District Council hynrei khlem poi pyrkhat ban wan jia ia ka jingkynad na ka por sha ka por, hadien ka jingwan khanglad ki nong Karbi sha Lapangap ban ot ia u kba bad na ka liang ka District Council bad ka sorkar jylla ki la wan ha shnong Lapangap ban leit ai mynsiem ia ki paidbah nongshnong ka Lapangap.
Na ka liang ka Council jong ka JHADC kila kwah ia ka jingiasuk hapdeng kine ki jingjia ba kan nym don shuh ki jingjia haba iadei bad u pud u sam, kumta na ka liang u CEM u la pynpaw ia ki shnong kiba ym don shuh mynshwa kum ka Block 1 kaba da ki phew snem kam don shuh ba ithuh ia ka jaka hynrei mynta ka kynti la lah ban pynim biang ia kato ka jaka hapoh ka shnong bad ban ong ba ka District Council kam peit ne jngoh ia kito ki jaka ka long ka bym lah ban long haba ia ka ka shnong ka bym don ba ithuh da u Syiem hynrei mynta la pynim biang.
U Bah Thombor Shiwat u la ong ruh ba ka District Council lada khlem ka jingsngewthuh jingmut lang bad ka sorkar kan nym lah ban iaid shakhmat lane kum ka District Council kam nym kwah ban leh pyrshah ia ka sorkar jylla.
Ka Shnong Lapangap ka bym lah ruh ban tip ia ka jingheh kaba pura jong ka jaka hynrei la ithuh ia ka shnong bad la ai syrnot, kumta haba iadei bad kane ka shong ha u Doloi ban lah ban shim jingkheiñ ia ki jaka, ki shnong baroh.
