U Nongaibuit ka tnat Social Welfare u Bah Paul lyngdoh haba kren sha ki lad pathai khubor mynta ka sngi ka 31 tarik Risaw 2025 u la pyntip ba ka tnad Social Welfare ka la shim ia ki katto katne ki mat kiba kongsan ban wanrah ia ka jingshngain ia ki khynnah ki kynthei bad kumjuh ban iada ialade bad kumjuh ia ka jingpynbha halor ka rukom ai jingbam tei met na ka bynta ki khynnah.
U Bah Paul lyngdoh u la pyntip ba ka tnad ka la kynthup ban ai ia ki jingbam tei met na ka bynta ki khynnah 3-6snem ba kynthup ia ka pylleng 2 tylli man ka taiew bad kumjuh ia ka bam ba shet pynkhluit 2 sien shisngi, bad ia kane yn kyrshan pisa da ka Asian Development Bank.
Nalor kata u la pyntip haba iadei bad ki Aganwadi ki don kumba 6hajar tam bad ki don ki shnong ki bym pat kynthup bad ki don kumba 1700 tylli ki shnong bad ia kine ki shnong ka Sorkar kan kynthup noh naduh snem thymmai ban wan ha u bnai lber 2026 .
Nalor kata u la ong haba iadei bad ki Aganwadi Centre ki bym don light ka sorkar kan sa buh noh da ki Solar ha kito ki Aganwadi Centre ki bym don light.
U la pyntip ruh ba kin don ki jingai jinghikai ha kaba ka tnad Pulit bad ka tnad Ialehkai kin iarap na ka bynta ban ai ka training ha ki skul na ka bynta ki khynnah kynthei kumno ban iada ialade.
