U Myntri Rangbah ka jylla u Conrad K Sangma haba kren sha ki lad pathai khubor halor ka tamasa Cherry Blossom u la iathuh ba ka tamasa mynta u snem kan long kaba heh da ka jingdon ka put ka tem ha ryngkat ka sap dro jingdro.
Nalor kata u la iathuh ba ki ban ia shim bynta ha kane ka tamasa ki kynthup ka The Script, Jason Derulo, Nora Fatehi, ha ka sngi ba nyngkong, jong ka jingsdang ia ka tamasa Cherry Blossom bad ha ka sngi kaba ar,kan don ka Kynhun tem ka Aqua, Ka Tyga, bad ki wei kiwei bad ia kane ka tamasa yn pynkhut da ka jingtem da u DJ uba la paw u Diplo.
Nalor kata u Myntri Rangbah u la pyntip ruh ba kan don ka jingpyni thei bhabriew , ka jingiakop khun kti, bad ka sorkar ka la pynkhreh ia kane ka tamasa ha ki madan ialehkai kiba pher, Ki Tiket lah ban thied online ne na Box office ha shillong.
Ha kane ka tamasa Cherry Blossom kan don ruh ka jingkynmaw kyrpang ia u nongrwai ba pawnam uba la khlad noh u Zubeen Garg ha kaba ki paralok jong u Zubeen Garg kin tem bad kin don ruh ki nongtem ba paw na ka jylla.
Shuh shuh u Myntri Rangbah ka jylla u la iathuh ba ki don ka jingkyrmen ba ki ban wan jngohkai ki ban sah ha ka jylla kan palat ia ka no50,000 ngut kiba dei na ki wei ki jylla bad ki don ki ba wan bad leit phai noh bad kane kan palat lak ngut.
