Ka Hynniewtrep National Youth Front HNYF Southern Border Area ha ka 4 tarik u Naiwieng 2025 ka la leit ia kynduh ia ka Deputy Commissioner ka East Khasi Hills ka Kong R M Kurbah ban pynsngew ha kaba ia dei bad ka jingkit palat pud ki trok kit coke kiba iaid na ka jingkieng Umpung.
Haba kren sha ki lad pathai khubor u President ka HNYF Southern Border Area u Bah Kyllang S. Thongni u la ong ba ka jingkit Coke ki trok kam dei shuh ba ki kit tang 9 ton hynrei ki trok kim shym la burom bad ki kit palat pud bad ka wanrah jingma ia ka jingkieng Umpung ba ka lah ban khyllem ha kano kano ka por.
Nalor kata ka Seng ka la pynpaw ruh ba ha katei ka jingkieng Umpung lah shah ban kit tang 9 ton hynrei ki truck ki kit palat ia ka 20 ton bad kane ka wanrah jingma ia katei ka jingkieng Umpung.
Kumta na ka liang ka Seng ka tyrwa ban buh noh da ka Weight brigde khnang ban lah ban tehlakam ia ka jingkit palat pud ki trok .
