U Bah Prestone Tyngsong, Myntri ba khmih ia ka Tnad Home Police ka Jylla hynne ka sngi ka 5 Naiwieng 2025 u la ai ia ka jingpyntikna ba ki 5 ngut kiba la shah kem ha ka 3 Naiwieng 2025 ki dei tang ki briew kiba leh ia ki kam runar bad kiba la kam ialade kum ki GNLA-R na ka bynta ban pyntieng ia ki paidbah.
Ka jingshah kem jong u Mann R. Marak (25 snem), Marson R. Marak (18), Tartus N. Marak (20) Babulin D. Sangma (27) ka dei hadien ba la ioh ia ka jingujor sha ka Nonghyllam Police Station ha ka 28 Risaw 2025 ba kitei ki runar ki la thoh da ka shithi dawa pisa ha ka kyrteng jong ka GNLA-R.
U Myntri u la iathuh ba la dep ban tohkit ia kitei ki runar bad la pynngat kyndon ruh ia ki. Ka jingkam ba ki dei ki lehnoh ka dei tang ka jingpyntieng, pyntikna u Symbud Myntri Rangbah. “Hooid ka don ka kynhun runar ban leh shibun ki kam sniew bad mynta ngi la phikir bha. Ngin ym aili iano iano ruh kiba iaid palat ia u pud bad ngin pyntikna ba ka aiñ hi kan jop ha ka Jylla hi baroh kawei” ong u Bah Prestone.
