Ka Jaiñtia National Council (JNC) Western zone mynta ka sngi 5-11-2025 ka la leit ban ia kynduh haka ophis trei kam u DC ka West Jaintia Hills District hapoh ka jing ialam u bah Hameihi Bamon, President ryngkat bad u General Secretary u bah Sambor Susngi naka bynta ka Exam ki post bapher bapher ki ba dei pynïaid daka DSC.
Ha kaba ia dei bad kane ka jingiakynduh ka seng mynta ka sngi ka long halor ka jingsngewkhia bad ka jingsngew diaw ia ka jingud bad jingnam jong ki babun ba lang kham tam na ki samla nongthep kam (Candidates) kiba la shim bynta ha kane ka Exam kaba dang shu dep pynlong daka DSC.
Te namar kata ka seng ka la wan ban pynsngew ha ki tyndong shkor jong u DC ryngkat bad ka jingthoh katkum ka jingiadei bad kane ka exam kaba la dep ha kine ki khyndiat bnai.
Ka seng ka la ong lada kumne kam lah ban pdiang da lei lei ruh iaka rukom pynialeh ia kane ka exam, katkum ka jinglap ka seng iaka jingud jingnam jong ki ba bun ba lang.
Kaba phylla ki candidate ki don iaka Admit card bad iaki roll number, tangba ha kata ka sngi thoh Exam la buh kulmar ia ki khlem da don ki kyndon ha ka rukom kaba dei iaka rukom shong thoh Exam.
La iathuh ba lada kawei ka kamra (Exam room) ka ngiam 50 ngut tangba ka rukom shong pat khlem da buh janai shuh, kine ki sanphew ngut ki lah ban shong ha kino kino ki jaka katba ki mon bad katba ki sngew bit, khlem da don Roll No lane lah dep tah iaki Roll No ha haka kamra ba ki don, ha ka jingshisha ka rukom shong (seating arrangement) dei ban long kaba janai.
Ka seng ka la ong kam lah ban pdiang da lei lei ruh ha kum kane ka rukom pyniad ka DSC, “Ngi tip ki exam ki bapher bapher ki la pynkhreh bad ki la tah ia ki Roll No ha ki miej na ka bynta ki candidate, balei pat ka DSC kam lah ban pyntrei kam ia kane ka juh khamtam ha kane ka exam ka long ka ka exam ban ialeh na ka bynta ban ioh ia ka jingtrei ym dei ka exam kaba kumne kumtai, lada kumne kam don jingmut ba ka DSC ba kan don lada tang ban tah roll number kim lah ban pynbiang long lehnohei ia ki nongtrei tang ban ioh tulop, lada kumne ka rukom ngi lah ban ong ioh lehse ka don ei ei sha lyndet”.
Ka mat kaba ar ka seng ka pynsngew shuh shuh ha kaba iadei bad ka rukom checking rukom talasi iaki nongthoh exam ha shuwa ba kin thoh exam, ia kane ruh ka seng ka la pynsgew ha u DC ki dei ban leh kat kum kajuk mynta technology ban pyndon kam da ki scanner khnang ban lait ka jingjia ba pynsngewsih ia kito kiba la trei shitom ban pule kot lane ban pynkhreh ia ki exam naduh mynsiem. “Balei ngi ong kumne na ka daw ngi la iohi hadien ba lah dep check bad talasi ia ki candidate na ka liang ki pulit hashwa ban rung sha ka kamra thoh exam, ngi la ioh sngew ba dang don ki candidate ba ki pyndonkam iaki mobile phone ka jong ki, ngi lah ban ong ha kane ka por kam long kaba janai ka rukom checking na ka liang ki nong check”.
Ka mat kaba lai ha kaba ia dei bad ka um dih ban pyndonkam ha ka por ba thoh exam ka seng ka la lap ba kim shah ban rah um ha kata ka por, ka seng ka la ai jingmut ia u DC ki dei ban ai lad ia ka committee ban shah ban rah ka um dih iaki candidate ha u klong um ba long transparent namar ki nong shim bynta kim lah ban leh tuh tang na ka um.
Ka mat kaba saw ha kaba iadei ia ka jingtakhuh sngi jong ka exam MPSC bad DSC kum ban pynkynmaw hi kine ki bnai kiba lah dep ka seng ka ialeh katba lah ban iakren na ka bynta ban pyniakhlad iaka tarik thoh exam ka DSC bad MPSC tangba kim lah shuh ban pyniakhlad, kane ruh ka seng ka la iakren janai biang bad u DC ym dei shuh ban jia nangne shakhmat, kumba jia ha kine ki bnai kiba lah dep.
Naka liang jong u DC u la pdiang bad u la kular baroh ia kine ki mat ba ka seng ka la wan rah bad u la kubur ba un leh ia kaba donkam bad kubur ruh ba kam jia shuh kumne nangne shakhmat.
