Ka Seng Jaintia Students Union (JSU) Seng Kmie ka la pynrem jur ia ka Sorkar Meghalaya lyngba ka Police department ba ki la shim ia ka aiñ ha ki kti ha ka miet 4 tarik ban shoh ban tied ia ki Dkhot ka MCTODA kham tam ia u Adviser barim ka seng u Heibor Pariat u ba long u President ka Unit u la shah shoh shah tied la kum u mrad ha ki video ki ba la long viral bha ha ki lad pathai khubor.
Ka Seng ka la sngew phylla bha ba u Deputy Chief Minister u Bah Preston Tynsong u ong balei ki nong Jaintia ki wan ia khih sha East Khasi Hills District ka Seng ka don tang ka Wei ban ong ba ha ka 4th December 1997 Reciprocal Agreement between the govt of Assam And Meghalaya ba ki kali Assam ki lah ban kit 1 hajar kali bad ki kali Meghalaya ki lah ban kit 2 hajar kali bad ki lah ruh ban ia khih sha duh rilum Garo Hills lane Assam.
Ka Seng ka la dawa na ka Sorkar ba ka dei ban pyllait mardor ia ki nongialam ka MCTODA khlem da pynngat ha kino kino ki kyndon jong ka aiñ namar ka MCTODA ka khlem iakhih pyrshah ia ka aiñ ka dei ka hok jong u nong shong Shnong hapoh jylla.
Ka Seng ka la pyrkhat ba ka lah ban leit ujor sha ka Meghalaya Human Rights Commission ban pyrshah ia ki Police ki ba pyndon kam bakla ia ka aiñ.Te lada ka Sorkar kam sngap ia ka ne ka jingdawa ka seng kan sa shong pyrkhat.
