U wei u rangbah bala tip kyrteng kum u Phresmi Suting na ka shnong Mynsngat, West Jaintia Hills District ryngkat bad ki nongshong shnong, mynta ka sngi ki la leit ban ujor sha ka Meghalaya Human Rights Commission hadien ba kim ioh iaka jubab kaba biang na ka Nartiang Police Station ka ba ki la buh jingujor pyrshah ia ka tnad PHE (RWS) Division Jowai bad ia ki Chairman, Secretary ka VWSC Mynsngad halor ka jingsuba bam sap ia ka skhim Swachh Bharat Mission, kaba pyntrei ha ka shnong Mynsngat.
Ia katei ka jingujor la buh ha Nartiang Police Station naduh ka 25 tarik Risaw 2025 hadien ba la ioh iaka kaiphod RTI na ka tnad PHE.
Hadien ka jingiai ap ka ba katto katne por, na ka liang jong u Phresmi Suting ula pynpaw sha ki lad pathai khubor ba haduh mynta ka sngi kim shym la ioh ia ka jubad kaba biang na ka tnad Pulit. Halor kane mynta ka sngi une u rangbah ryngkat bad ki nongshong shnong ki la leit ban ai jingujor sha ka Meghalaya Human Rights Commission ha nongbah Shillong. U ma Phresmi Suting u kyrmen ba ka tnad Human Rights Commission kan sa iarap ban pynioh ia ka hok jong ki nongshong shnong
