Ka seng FKJGP-East Jaintia Hills District ka la leit iakynduh ia u Deputy Commissioner (DC) jong ka East Jaintia Hills District, Khliehriat ha ka 01/02/2022 janmiet na ka bynta ban pyrshah jur ia ka public hearing jong ka Star Cement kaba la long ha ka 29/01/2022 ha shnong Lumshnong.
Ka seng ka la dep ai da ka jingthoh sha ka Meghalaya State Pollution Control Board, Shillong bad ai copy ruh sha u DC jong ka East Jaintia Hills District. Ka jingpyrshah jur jong ka seng ia kane ka hearing jong ka star cement ka long halor ka nongrim ba ka Meghalaya State Pollution Control Board, ka khlem da pynmih khubor sha ki lad pathai khubor kum ha ki Social media (Local Newspaper) khnang ba ki paidbah ba bun balang ba kin ioh jingtip khambha (information) na ka bynta kane ka hearing.
Kane ka jingleh jong ka MSPCB ka long kaba pynduh lad ia ki briew jong ngi ban iashim bynta ha kane ka hearing namar khlem da ai khubor sha ki Local Newspaper/Social media. Ka don kaei re kaei sha lyndet haba ki leh kumne. Ka public hearing ka dei na ka bynta ki paidbah ba bun balang, ki paidbah ki don hok ban ioh jingtip biang por lyngba ki lad pathai khubor jong ka jylla jong ngi khnang ba kin ioh jingtip ban iashim bynta lada dei ba kin kyrshan ne pyrshah ia kane ka hearing.
Ka seng ka la dawa na ka MSPCB lyngba u DC jong ka East Jaintia Hills District ba dei ban pynduh pyndam noh (cancel the proceedings) ia kane ka public hearing ba la long ha ka 29/01/2022 . Pynkut ka kyrwoh bala phah da u Information Secretary jong ka seng FKJGP-East Jaintia Hills District u M. Chyrmang.