Ki Nongialam ka Meghalaya Commercial Truck Owners & Driver Association ba kynthup ia U President ka MCTODA u Bah Mosklander Marngar ha ryngkat bad 3 ngut ki nongialam ka MCTODA ki la ioh jamin ha ka janmiet jong ka 10 tarik Naiwieng 2025 .
Hadien ka jingioh jamin ki dkhot ka MCTODA ki la pdiang burom ia ki nongialam ka MCTODA bad hadien kane ki la leit beit sha Mawrynkneng na ka bynta ka jingialang ka MCTODA bad ban shim ia ka rai halor ki sienjam kiba shakhmat.
Kum ban shu pynkynmaw ki 4 ngut ki nongialam ka MCTODA ki la shah kem ha ka 5 tarik Naiwieng 2025 hadien ka jingmih huri hura ha Mawrynkneng hapdeng ki Pulit bad ki nongialam ka MCTODA, hadien ba ki Pulit ki la synran ia ki trok kit cement bad ki nongialam ka MCTODA ki la pakhang lynti ia kitei ki trok, haduh ban da poi ka huri hura bad pynlong ia ki Pulit ban bom lathi bad siat tear Gas ia ki nongialam ka MCTODA kiba pynlong ia ka jingiakhih ban dawa na ka Cement Plant katkum ka dor ba la buh da ka Sorkar.
