Mynta ka sngi u ma Wailadmiki Shylla uba dei myntri ka tnad ka koit ka khiah bad ka kam ïalehkai Sports jong ka sorkar jylla haka jingleit jurip ïaka Swimming Pool hajan ka Kiang Nangbah Govt. College Jowai, ula bthah ïa ki Contractor bad ka tnad ba dei peit ba kin pyndep noh ïaka ha u bnai Lber 2026.
Ha kane ka sngi u Myntri, ha ryngkat u Chief Engineer bad ki ophisar na ka tnad Spots ban jurip lang ïa katei ka Swimming Pool, nangta ban pynkhreh ïa ki jingdonkam baroh (estimate) ban sanction pisa haka ban pynshna sa ka madan ïalehkai Football bad ka Basketball katkum ka juk mynta na ka bynta ka Kiang Nangbah Govt. College.
Shuh shuh u Myntri ula ong ïa kane ka Swimming Pool kaba 50 meter kala wan kum ka jingkyrkhu naduh u bnai Kyllalyngkot ka por ba pynkhreh ïa ka Meghalaya Games 2025 bad ka kam mynta kala ïaid shakhmat kumba 40 ne 50 percent. ‘Katba long u myntri ula kyntu ba dei ban shna da kaba bha tam ïa ka Swimming Pool bad ban pyndep ïaka hashaw katei ka por bala buh’.
Ïa kane ka Swimming Pool u MLA ula pyntikna yn wan plie ïa ka da u Myntri Rangbah ka sorkar jylla u Conrad. K. Sangma.
