U Bah Lambor Malngiang, MLA bad MDC barim ka Nongkrem Constituency, ha ka 13 tarik u Naiwieng 2025 u la pyniasoh ialade sha ka National People Party (NPP) ha ka jingialang kaba la long ha ophis ka NPP ha Shillong.
La pdiang sngewbha ia u Bah Lambor Malngiang da ki nongïalam ka NPP ha ka jingiadon ryngkat lang u President ka NPP Meghalaya State Unit u Bah Prestone Tynsong, Bah Wailad Miki Shylla, Working President Bah Hamlet Dohling, Bah Himalaya M Shangpliang bad kiwei de ki nongkitkam ka Party.
Ha kane ka sngi da ki spah ngut ki paidbah Nongkyrshan u Bah Lambor Malngiang ki la wan ban synranlang ia u ha ka jingrung sha ka seng NPP.
Haba kren ha kane ka sngi, u Bah Lambor u ong ba ka rai ban rung sha ka NPP ka long hadien ba u la bishar bniah bad ïatai lang bad ki paidbah jong ka constituency. U la ong ba ka Nongkrem ka la sahdien bha ha ka liang ka roi ka par bad u sngewskhem ba ka NPP ka dei ka party kaba don ka jingthmu bad ka jingangnud ban trei na ka bynta ka bha ka miat u paidbah.
