Ka khubor Pulit bala pyllait da u Sr. Superintendent of Police, ka Ri-Bhoi District, Nongpoh, la iathuh ba ha ka 16/11/2025 ha ka por kumba 10:00 baje mynstep ki Pulit kila lap ia kawei ka met iap kaba dei jong u rangbah briew kaba la thiah lyngktar hajan jong ka HP Petrol Pump kaba don ha 11th Mile Khanapara, Ri-Bhoi District.
Hadien ba ki Pulit kila pynlong ka jingjurip bniah la leit rah noh ia katei ka met iap sha Civil Hospital Nongpoh ban pyndep ia ka post mortem bad hadien kata la buh ia katei ka met iap ha jaka buh met iap jong katei ka Hospital.
Na ka liang jong ki bor Pulit kila kyntu ia kiba haïing bad kino kino kiba don jingiadei bad u tei u rangbah briew ba kin wan shim noh ia ka met jong u na katei ka Hospital.
Katkum ka jingiathuh jong ki Pulit la ong ba une u rangbah bym lah ban tip kyrteng u don ha ka rta kaba 50 haduh 60 snem, la antad ba u dei na ka niam Hindu, u don ka sniehdoh kaba iong, ki tmaiñ kiba lieh bad u long uba raikhoh briew. U phong da ka patlun tract suit kaba rong grey bad ka sweat shirt kaba khleh rong.
Kino kino kiba don jingtip shaphang une u rangbah kin lah ban phone ha Police Control Room (PCR), Nongpoh, ha ka mobile number: 9856084514.
