Ka Executive Committee jong ka Khasi Hills Autonomous District Council (KHADC) hapoh ka jingialam jong ki Executive Member ba kynthup ia u Bah Powell D Sohkhlet, Bah Seiborlang Warbah bad u Bah Matthew Makdoh MDC shu sieh ha ka 19 tarik Naiwieng 2025 ki la iakynduh ia ka Myntri ba khmih ia ka tnad pla tyngka ka Sorkar India, ka Nirmala Sitharaman ban kyrpad ia ka Myntri ban pyllait noh ia ka pisa ba sah na ka 15th Finance Commission bad kumjuh ban mang jingiarap sha ka KHADC.
U Bah Powell D Sohkhlet Executive Member ka KHADC u la ong ka jingkynduh ka long kaba seisoh bad ka Myntri ka la kyntu ia ki Ophisar ban wad ki lad ki lynti ban pyllait noh ia ka Pisa jong ka 15th Finance Commission.
U Bah Powell u la ong ba ka Executive Committee ka KHADC ka la kyrpad ia ka Myntri ka tnad pla tyngka ban noh synniang da ka song kaba kyrpang na ka bynta ka Council haba iadei bad ka roi ka par jong ki paidbah.
