Da ki phew tylli ki snem ki paidbah nongshong shnong na Umden Nongpoh, bad kumjuh ki paidbah na ka thaiñ Umshaken ki la kynduh jingeh ha ka ba iadei bad ka jingbym treikam pura ka Umshaken Sub Centre bad kumjuh ki jingduna ki jaka ai jingsumar bad ka la pynlong ia ki paidbah kane ka thaiñ ban iakynduh shibun ki jingeh.
Hadien ka jingpynsngew na ki paidbah, u Bah Mayralborn Syiem, MLA ka Nongpoh u la buddien ia ka jingduna haba iadei bad ka jingkynduh jingeh ki paidbah halor ka Umshaken Sub Centre bad u la pynpaw ka jingsngew nguh ia ka sorkar hadien ba ka la kular ban shimkhia haba iadei bad ka kane ka jingeh ba ki paidbah ki iakynduh haba iadei bad ki lad ai jingsumar ha ka Umshaken Sub Centre.
Ki paidbah nongshong ka Umshaken ki la pynpaw ka jingsngewnguh ia u MLA ka Nongpoh u Bah Mayralborn Syiem ba u la kloi ban shimkhia bad ban pynsngew sha ka Sorkar haba iadei bad ka jingeh ba ki paidbah Nongshong Shnong ki iakynduh jingeh ha ka lad ai jingsumar.
Nalor kata ki la pynpaw ba ynda la dep ban pynbiang ia ki jingdonkam baroh ha ka Umshaken Sub Centre kan long ka jingmyntoi ia ki paidbah ka thain Umshaken kiba wan sumar ha kane ka Sub Centre.
