Ka Don Bosco Media Network ka la pyntip paidbah ha Shillong Press Club ba kan pynlong biang ia ka jingiakop rwai Sur Kynud Season 4 paidbah ia ka phlim Ka Sur Kynud Season 4 ka ban sdang ha u bnai Nohprah 2025 bad ia ka final yn pynlong ha u bnai Kyllalyngkot 2026 Ka Sur Kynud kaba dei ka jingiakop rwai kaba heh tam ha Meghalaya.
Haba kren sha ki lad pathai khubor u Bah OL Marbaniang u la ong ka jingpynlong ia kane ka jingiakop rwai Sur Kynud Season 4 ka long ban kyntiew ia ki samla ka jylla kiba don sap ha ka kam rwai.
Nalor kata u la ong kiba jop ia kane ka khusnam ha ka final jong ka Sur Kynud Season 4 kin ioh ia song pisa kaba ₹1,00,000/- bad kin ioh ruh ia ka lad ban mihkhmat ia ka jylla ha ki rynsan rwai jong ka ri bad ka pyrthei.
Naduh u snem 2021, Ka Sur Kynud ka la pynmih ïa ki sap kiba phylla kum ka Chevinia, Ellery Kharkongor, bad Kitkupar Nongiseh, kiba la ïoh ïa ka jingithuh shabar ka jylla.
Ha kane ka Sur Kynud Season 4 kin don ruh ki khusnam ba thymmai, bad kan pynkut ia kane ha ka 31 tarik u Nailar 2026.
Ka bai rung ban iashimbynta sha kane ka rynsan kan long ₹1,000/- tyngka bad ki lah ban wad jingtip na ka website www.realkasurkynud.com. bad ka Sur kynud ka bteng ia ka jingthmu jong ka ban pynkupbor ia ki samla bad ban kyntiew ia ka kolshor rwai ba riewspah jong ka Meghalaya.
