U Deputy Commissioner (Supply), West Jaintia Hills ula pyntip paidbah ba ia u khaw NFSA (AAY bad PHH) bad u khaw Non-NFSA bad ruh u khaw AYY bad PHH hapoh ka skhim PMGKAY na ka bynta u bnai Rymphang 2022 la pyllait sha baroh ki nongdielang na ka bynta ban pynpoi sha baroh ki dukan die rashon haduh ka 15 tarik mynta u bnai.
Ia u khaw AAY yn sam sha ki nongshong shnong ha ka jingthew kaba 35 kgs kawei ka AAY FI Card ha ka dor Rs.3/- shi kilo na ka bynta ki nongshong shnong ha sor bad ha nongkyndong.
Ia u khaw PHH yn sam ha ka jingthew kaba 5 kgs na ka bynta shi khlieh ha ka dor Rs.3/- shi kilo na ka bynta ha sor bad nongkyndong.
Ia u khaw Non-NFSA ha ka jingthew kaba 7.215 kg shi ïing ha ka dor kaba la buh da ka Vigilance Committee kaba ym dei pat ban tam ia ka Rs.14/- shi kilo la ha sor ne ha nongkyndong. U khaw PMGKAY – AAY bad PHH yn sam ha ka jingthew 5 kgs shi khlieh shi bnai bad khlem kano kano ka jingsiew dor la ha sor ne ha nongkyndong.