Ki Pulit jong ka East Jaintia Hills District, ha ka 19 tarik mynta u bnai kila ioh ia ka telephone na u Waheh Shnong ka shnong Kuliang u ma Min Lamare, ha kaba la iathuh ba ka don kawei ka met iap kaba la thiah lyngktar harud jong u surok bah NH-6, ha ka jaka ba la tip kum ka Khliehkuliang Pamlum, Kuliang.
Na ka liang ki bor Pulit mar ia ioh jingtip ia kane kila leit mar mar ban jurib bad ban pynlong ka jingtohkit. Ha ka jingrurip kila lap ba ka dei ka met iap jong u samla ba don ha ka rta kaba 26 snem ei ei ia uba ym lah satia ban tip kyrteng, hynrei la antad ba u dei u bar jylla.
Hadien ba la dep ban leh ia kaba donkam katkum ki kyndon aiñ, ia ka met iap la buh ha ka jaka buh metiap ha Khliehriat CHC.
Katkum ka jinglap jong ki Pulit une u samla um don sopti shuh ha ka por ba u khlad bad ka patlun pat u phong da kaba shiteng bad ka dei ka rong saw, u don ka jingjrong kaba 160 cm ei ei bad u don ia u dak iong ha ka bynta ka shadem sha ka mon.
Kumta na ka liang ki Pulit ki kyntu ia kiba haiing bad kino kino kiba don jingiadei ba kin wan shimti noh ia kane ka met napoh CHC Khliehriat, da kaba ki lah ban phone ha u number 9862206288.
