Katkum ka Jaiñtia Hills Autonomous District (Establishment of Elaka and Village Election Act 2015 Appointment, Power, Functions and Jurisdiction of Dolloi/Sirdar and Waheh Shnong) Atc 2015 bala soi da u lat ka jylla, ki longkmie kim lah ban ïashim bynta haka jingïakhun Waheh Shnong hynrei ka long tang naka bynta ki shynrang, ong u ma Madonbai Rymbai MDC ka 4-Amwi Khliehtyrshi.
Kane ka jingbym shngewthuh ïa ki kyndon aiñ treikam ka dei ka jingthut ha ka rukom treikam jong ka Executive Committee ba mynta kaba khlem da buh shai ïa ka jingthoh ban maham ïa ki Dolloi ban ai jingbit, namar kane ka dang shu jia ha Sohmynting ha kaba la don kawei ka kynthei kaba la mih shakhmat ban ïakhun ïaka kyrdan Waheh Shnong.
Halor kane ka jingjia ula ong ka jingshah kynnoh nyngkong ka long ïaka Executive Committee ka JHADC bad kum ka EC ka dei ban peit bniah ïa ki Act treikam, khnang ban nym shah ïalam bakla ia ki paidbah nongshong shnong ka thaiñ.
Ha kaba ïadei bad ka jingduh tulop ki nongtrei ka Council sa kawei u kynthoh baka dei na ka daw da ka jingshah ïalam bakla ki MLA ka Ri-Lum Jaiñtia kiba don haduh 7 ngut namar tang na ka bynta ka election jong ka GHADC ka sorkar kala pyllait ïaka pisa kaba 100 klur tam sha Garo, ‘Hynrei ka long mo ïa ka JHADC ban pynsah teng ïa ka tulop kaba la buh jingeh mynta ïaki kmie ki kpa ban siew ïa ka bai skul jong ki khun ki kti.
Kum ki nongshah jied (elected) ‘ngan ïasaid na ka bynta ki paidbah hapoh ka ïing dorbar bad nga kren da ka mynsiem ba ki nongshong shnong kim dei ban shah ïalam bakla, pynkut u ma Rymbai.
